Inqatshelwe ibheyili inkosi esolwa ngokubulala isihlobo

INKOSI yesizwe sakwaNxamalala eMpendle KwaZulu-Natal inqatshelwe ibheyili  yinkantolo yeMantshi yaseHowick.

Inkosi Simphiwe Zuma inqatshelwe ibheyili njengoba ibhekene necala lokubulawa kowayeyikhansela le-DA uNhlalayenza Ndlovu ngoDisemba 2023.  

Kubikwa ukuthi laba babephinda babe yizihlobo zegazi.

UZuma uphinde abhekane namanye amacala amabili okubulala, agqame kuwo elokubulala uQalokunye Zuma naye ophinde abe yisihlobo sakhe.