Owodumo lweSizok’thola usejoyine i-ActionSA

ISILOMO somethuli wohlelo iSizok’thola kuMoja Love sesijoyine iqembu lepolitiki i-ActionSA.

UXolani Khumalo umenyezelwe namuhla njengelungu elisha laleli qembu nelizomela i-ActyionSA esikhundleni sokuba yiMeya yaseKurhuleni.

Umholi waleli qembu uHerman Mashaba uchaze uKhumalo njengomholi ongesabi, onesimilo nokusekulungele ukubuyisela isithunzi kule ndawo yase-Ekurhuleni ehaqwe ubugebengu.

 UKhumalo usezakhele igama ngokugijimisa izigebengu ikakhulukazi lezo ezithinteka kwizidakamizwa.

Lezi zindaba zamukelwe ngezindlela ezahlukene njengoba ezinkundleni zokuxhumana kukhona abasishayele ihlombe isinyathelo sakhe abanye basigxekile.