Ugwetshwe intambo ogxeke umengameli kuFacebook

UGWETSHWE intambo owesilisa ogxeke umengameli wezwe kuFacebook.

Umbiko weDaily Graphic, uthi uSaber Chouchen (51) uhlambalaze uMengameli waseTunisia uKais Saied (osesithombeni) waphinda wasongela ezokuphepha zikahulumeni\

Lesi sinqumo, esikhishwe yinkantolo yaseNabeul, siphawula okokuqala eTunisia ukuthi kukhishwe isigwebo sentambo ngenxa yenkulumo ye-inthanethi.

Ummangalelwa, uChouchen, ulahlwe amacala ahlanganisa ukuzama ukuketula umbuso, ukuthuka umengameli, nokusabalalisa imininingwane engamanga ku-inthanethi. 
Amajaji aveze ukuthi okubhalwe uChouchen kubhebhethekisa udlame neziyaluyalu.