Kuhlaselwe kwabulawa uthisha ebuya enkonzweni

KUDUTSHULWE kwabulawa uthisha obeziphumela enkonzweni yesiguqo ethathe ubusuku bonke.

Okhulumela amaphoyisa uColonel Malasela Ledwaba uthi lo wesifazane (26) ubebuyela ekhaya ehamba nomngani wakhe oneminyaka engu-69 ubudala nge muva kwenkonzo edonse ubusuku bonke esikoleni sendawo.

Uthi bebegibela itekisi bobabili bebuyela emakhaya ngesikhathi kuqhamuka umlisa ongaziwa obehlomile wadubula uthisha eduzane.

UColonel Ledwaba uthi ngesikhathi uthisha ewela etekisini, umsolwa uphinde wadutshulwa walimaza owesifazane osekhulile obekade ehla etekisini.

Uthi umshayeli wetekisi uphuthume esiteshini samaphoyisa eyofuna usizo, wabe esethola ukuthi naye udutshulwe emlenzeni.

lesi sehlakalo senzeke  eVhembe eLimpopo ezintatha zangoMgqibelo kanti kuphenywa icala lokubulala namabili okuzama ukubulala.