UMthethwa ungcwatshwe ngebhokisi elifana nelikaNapoleon

UNGCWATSHWE ngebhokisi elifana nse nelangcwaba uNapoleon Bonaparte obelinxusa lakuleli eFrance.

UNathi Mthethwa obefihlwa namuhla KwesakwaMthethwa, ufihlwe ngebhokisi elikhethile ngokusezingeni elixakile.

Lezi zindaba zivezwe uDkt Sifiso Buthelezi ongusibali kamufi ngesikhathi ephawula phambi kwezinkumbi.

Uthe leli bhokisi lomngcwabo elisetshenzisiwe likhethwe unkosikazi kaMthethwa uPhilisiwe njengoba besuke nalo eFrance.

Uqhube wathi lokhu kungenxa yokuthi unkosikazi kamufi ubefanisa umyeni wakhe nelinye lamaqhawe.

Kulo mngcwabo bekukhona noMengaleli uCyril Ramaphosa naye otuse iqhaza likamufi kuhulumeni wakuleli.