Bangase baludlulisele phambili olobukhosi abeseka uMntwana uSimakade
BACABANGA ukuluyisa eNkantolo yoMthethosisekelo udaba lombango lwesihlalo sobukhosi abantwana basendlunkulu abeseka uMntwana uSimakade.
Lezi zindaba zivezwe uMntwana uThokozani Zulu, okhulumela amalungu oNdlunkulu kaZulu abeseka uMntwana uSimakade ukuthi athathe izintambo zobukhosi besizwe samaZulu kususwe Isilo uMisuzulu kaZwelithini.
UMntwana uThokozani uthe njengamanje babheka izindlela eziningi zokuphikisa isinqumo seNkantolo eNkulu yokuDluliswa kwamaCala ethole ukuthi uMengameli Cyril Ramaphosa wayeqinisile ngesikhathi emukela iSilo ngokusemthethweni.
Ugcizelele ukuthi ngeke bavumele “ukungabi nabulungiswa” kuqhubeke ngaphandle kokuphikiswa.
