Kubhekwe ukuthi adedele amabhomu obufakazi uBheki Cele
OWAYENGUNGQONGQOSHE wamaPhoyisa uzokwe ubufakazi bakhe okokuqala ngqa phambi kwamalungu ekomiti lesikhashana ePhalamende kusasa ngo-10 ekuseni.
UBheki Cele uzokwethula ubufakazi ngezinsolo ezenziwe yiNhloko ye-SAPS KwaZulu-Natal uLieutenant-General Nhlanhla Mkhwanazi njengoba athi ubufakazi bukaCele buzoba bucayi.
UCele waphatha lesi sikhundla kusukela ngoFebruary 2018 kuya kuJune 17, 2024, ngaphambi kwesikhathi sikaNgqongqoshe osamisiwe uMnuz Senzo Mchunu.
UCele kulindeleke ukuthi ethule ubufakazi ngoLwesine nangoLwesihlanu, aphinde adlulisele ulwazi mayelana nocwaningo lomsebenzi oluhlale lucashunwa oludale ukuthi kusungulwe uphiko lwe-Political Killings Task Team (PKTT).
