Isethenjwa sikaKhongolose sesijoyine iMK Party
ILUNGU lesigungu esiphezulu kwi-ANC limenyezelwe njengelungu elisha loMkhonto WeSizwe Party.
UTony Yengeni umenyezelwe njengephini lesibili lomholi woMkhonto WeSizwe Party phambi kwabezindaba eThekwini.
UYengeni ungena kulesi sikhundla nje uzobambisana nephini lokuqala kuleli qembu okungu John Hlophe.
Lesi sinqumo sithathwe ngenxa yokuba matasa komholi weqembu uJacob Zuma okuvele ukuthi unezinto eziningi amatasa ngazo emazweni angomakhelwane.
Kuso kulesi sithangamu, uZuma uphawule ngodaba lwesinqumo seNkantolo ePhakeme ePitoli esimnike umnqamulajuqu wezinsuku ezingu-60 ukukhokha izindleko zecala lakhe.
Uthe uzophawula kahle uma esebhunge nethimba lakhe labameli ngalolu daba.
