UMkhwanazi uxolise kuCele ngezinsolo ezibucayi
ULIETENANT General Nhlanhla Mkhwanazi usethumele umlayezo ophuthumayo ephalamende ehoxisa ingxenye ethile yobufakazi abethula kwikomidi lesikhashana eliphenya izinsolo zenkohlakalo.
UMKhwanazi uxolise kowayenguNgqongqoshe wamaPhoyisa phambilini uBheki Cele ngokuthumela umlayezo osheshayo.
Lokhu kungenxa yezinsolo ezibucayi zokuyamanisa uCele njengowakhokhelwa imali eyayivela kuVusumuzi Cat Matlala.
USihlalo wekomidi uthe sekuhlalukile ukuthi ithimba lamaphoyisa elaliphenya liveze ukuthi kwaba nokuphambana nokudideka kwizinombolo ze-akhawunti yasebhange.
Ithimba ladida izinamba lazikhomba kuCele nokuyinto ebe yiphutha.
UCele ulwamukele uxolo lukaMkhwanazi.
