” Babhecwa ngobende onogada ababoshiwe”- Mathibeli
AMAPHOYISA esiteshi samaphoyisa e-Evaton abophe onogada abahlanu beCalvin and Family Security Services ngokuthumba nokubulala amadoda amabili.
Umbiko weSunday World uveza ukuthi inkampani kaCalvin Mathibeli impunyela kasomabhizinisi odumile nongumyeni wowayengumsakazi woKhozi FM uSma Mathibeli ibhekene nalezi zinsolo.
Ngokusho kwamaphoyisa, onogada abahlanu baboshwe ngemuva kophenyo ngokufa kukaThulani Zondo (50) noDennis Mashaba (22) base-Evaton.
La madoda amabili athunjwa ngoFebruary, kwathi imindeni yawo yathola izidumbu zawo sezibolile emakhazeni kahulumeni ngoMeyi.
UMathibela ucashunwe eziphika lezi zinsolo. Uthe ukuboshwa kwalasolwa kuyinto ehlosiwe newukuhlasela ibhizinisi lakhe.
