Uyifuna la indodana yakhe uJub Jub
UJub Jub unxuse umculi uKelly Khumalo ukuba ayeke ukumveza njengobaba ongondli nongenandaba nendodana yabo.
Laba bobabili banendodana uChristian abayithola eminyakeni edlule.
Eminyakeni edlule uKelly ubelokhu ephikelela ngokuthi ngeke amvumele uJub Jub abe sempilweni kaChristian aze abe neminyaka engu-18.
NgeSonto, uJub Jub wathatha isikhathi sakhe encenga uKelly ukuba amnike ithuba lokusondelana nendodana yakhe.
“Kelly, mina nawe siyazi ukuthi inkantolo injani. Angifuni ukufaka umfana wami kulokho ,” kusho uJub Jub kwi-video eku-Instagram.
“Uyazi ukuthi kukangaki ngizama ukukuthola ukuze ngizame ukuthola umfana. Uyazi ukuthi kukangaki udadewenu uGumede nonyoko bezama ukukhuluma ngokuthi ngihlangane nomfana, ukuze ngithole inkululeko yokubona umfana.
” Angazi ukuthi ufunelani njenge-AI. Yeka ukwenza ingane yami i-AI, akukuhle, akulungile. Yeka ukuthi ngingubaba omubi.”
Wanezela ngokuthi ubethumela izipho ngisho nalapho esejele kwaze kwaba yilapho uKelly eqala ukuzithumela ngo-2014 nango-2015.
“Ngifuna ingane yami,” kusho uJub Jub.
