Usinde ngokulambisa uBrown Mogotsi edutshulwa

KUBIKWA ukuthi usinde ngokulambisa uBrown Mogotsi kudutshulwa ngoyaba lwezinhlamvu imoto abehamba ngayo izolo ebusuku eVoslorus eGauteng.

Ngokombiko weSABC, imoto abehamba ngayo uMogotsi isale imbobombobo izinhlamvu zesibhamu.

Kwenzeka lokhu nje uMoogotsi ubhekwe ngabomvu ukuba azokwethula ubufakazi kwiKhomishini kaMadlanga. U-Jeremy Michaels okhulumela i-Madlanga Commission usiqinisekisile isehlakalo waveza nokukhathazeka kwakhe ngokuphepha kukaMogotsi.

Amaphoyisa aveze ukuthi inkinga enkulu wukungabambi kwakhe ucingo uma efonelwa njengoba ebanike inamba yomuntu asondelene naye.