Owaduma kuKhozi FM ulahlwe yicala lokumuhluza

OWAYENGUMSAKAZI woKhozi FM neMetro FM utholwe enecala lokuhlasela owayeyisoka.

INkantolo yeMantshi yaseThekwini ilahle ngecala uSiya Mhlongo ngecala lokumuhluza uNjabulo Duma ngebhodlela lotshwala iSavanna.

Inkantolo izwe ukuthi lesi sigameko senzeka ngoSeptember nyakenye ngemuva kwengxabano phakathi kwabo bobabili ebusuku.

Kuvele ukuthi ngemuva kokumshaya ngebhodlela, uMhlongo washaya wachitha ngemoto washiya uDuma kanjalo elimele.

IMantshi uMhlonipheni Sibiya inike uMhlongo ibheyili ka-R1,000 kusalindwe isigwebo esizokwethulwa ngoNovember 27.