Bekusindwe ngobethole kushadelwa uVuyo Zungula

ANGENA elakanyana amazwi okuhalalisa owayengumholi we-African Transformation Movement (ATM), obophe ifindo likasofa silahlane namuhla.

UVuyo Zungula, nesinqandamathe sakhe uZoleka Mathiso babe nendumezulu yomshado eGoqwana Village esifundeni saseKing Sabatha Dalindyebo e-Eastern Cape.

Lezi zindaba ziqinisekiswe nayiqembu i-ATM ekhiphe umlayezo idlulisa izilokotho ezinhle kumsunguli nomengameli wokuqala waleli qembu.

Kulo mshado bekugcwele umndeni, abangani kanye nezicukuthwane.

UZungula nonkakhe bahlanganiswe yibandla yiTwelve Apostles Church in Christ ngesandla seNhloko yoMphostoli, uSolwazi Caeser Nongqunga.”