Umunyu uRasta enikela ngesithombe emndenini wenyanga yaseManguzi
ISILOMO somdwebi uRasta udlulisele emndenini isithombe senyanga yodumo yakwaMhlabuyalingana esanda kudlula emhlabeni.
URasta, uhambele umndeni wenyanga uJames ” Ugodolulalamankankane” Mthembu wasePhelandaba eManguzi osanda kungcgcwatshwa kulandela ukudutshulwa kwakhe ngoyaba lwezinhlamvu.
Isipho sikaRasta besihambisana nokuyoveza amehlo kulo mndeni owehlelwe yisigameko esishiye abaningi beshaqekile.
Isithombe esidwetshwe uRasta samukelwe ngezandla ezimhlophe kanti ubephelezelwa ngosaziwayo bendawo okubalwa kubona umsakazi uThulani Mabika nomlingisi uCebo Mthembu.
Ngokombiko wamaphoyisa uGodolulalalamankankane wadutshulwa ngo-October 24 ehleli nomndeni wakhe.
