Kumshubele umculi obhekene nezinsolo zokuzama ukubulala abane
UBHEKWE ngabomvu umculi weLikompo ozovela enkantolo yemantshi ePolokwane ngezinsolo zokuzama ukubulala.
UShebeshxt uboshwe izolo ekuseni kanti ubhekene namacala amane okuzama ukubulala.
Amaphoyisa aphinde ashaqa izimoto zakhe njengengxenye yophenyo kanti leli cala lithathwa njengamanye abucayi njengoba liphethwe uPhiko lweProvincial Investigation Unit eLimpopo.
Ngokombiko, kuthiwa ezinye zezinsolo zamacala abhekene noShebeshxt kubalwa isigameko lapho axabana nomuntu emgwaqeni wase wamdubula, walimala kanzima.
Owayekhona emotweni walimala kabi bobabili bathola ukwelashwa.
Lezi sehlakalo senzeke ngo-October 19.
Ummeli walo mculi uLot Ramusi ukuqinisekisile ukuthi lo mculi ubhekene nezinsolo ezithile nokuthi uzovela enkantolo namuhla.
