Kubhekwe ukuba aziphendulele uMogotsi kwiKhomishini kaMadlanga

KUBHEKWE lukhulu kusasa njengoba iKhomishini kaMadlanga isiqinisekise ukuthi usomabhizinisi waseNorth West osematheni uzovela kuyona.

UBrown Mogotsi, okusolwa ukuthi ungubhululu kaNgqongqoshe Wamaphoyisa uSenzo Mchunu omisiwe, uzovela enkantolo kwiKhomishini YaseMadlanga kusasa.

Okhulumela leKhomishini uJeremy Michaels uveze lezi zindaba njengoba iKhomishini kaMadlanga isingena esigabeni sesi-2.

UMogotsi kubhekwe ukuthi azoziphendulela kulesi sigcawu kwizinsolo abhekene nazo iningi lazo ezisukela enkulumweni eyenziwa kuLietenant General Nhlanhla Mkhwanazi ngoJuly 6 kulo nyaka.

Le Khomishini isipequlule inkohlakalo eningi nezinsolo ezibucayi ngamaphoyisa nokusebenza kwawo kuleli.