Kudutshulwe kwabulawa iphoyisa eMgungundlovu

AMAPHOYISA asePlessislaer, eMgungundlovu abophe osolwa ngokubulala iphoyisa elidutshiulwe labulawa ngoMsombuluko.

UConstable Samkelo Sithole,obesebenza esiteshini saseHilton udutshulwe wabulawa kade engekho emsebenzini.

Amaphoyisa athi ukudubula kwenzeke ekhoneni likaMthombothi noFJ Sithole Road elokishini eMbali. 

Isibhamu sikaSithole naso sitholakale endaweni yesehlakalo. Okhulumela amaphoyisa KwaZulu-Natal uColonel Robert Netshiunda uqinisekise ukuboshwa komsolwa.

Ngokusho kukaNetshiunda, umufu wayephuza nabangani endlini ese-Unit 3, eMbali, lapho kuthiwa ijazi lomunye wabangani bakhe lanyamalala. 

Laba ayehleli nabo babe sebengena emotweni beyofuna indoda ebisolwa ngokuthatha leli jazi.

UColonel Netshiunda uthe lapho uSithole esondela kumsolwa, le ndoda “yadubula umufi yambulala ngaphandle kokusho lutho”.

USithole washonela endaweni yesehlakalo.