Indida kuhoxiswa i-visa kaNaledi Pandor ngaphandle kwencazelo

I-UNITED States of America isihoxise i-Visa kaNaledi Pandor ngaphandle kwencazelo.

“Angiqondi ukuthi kungani i-visa yami ihoxisiwe. Akukho ncazelo enikezwayo. Ngokwesigaba esishiwo ku-imeyili, azikho izizathu okudingeka zinikezwe yi-United States,” kusho yena.

UPandor oke wanguNgqongqoshe Wezobudlelwano Namazwe Ngamazwe Nokubambisana phambilini, utshele i-Eyewitness News ukuthi waziswe ngalesi sinqumo ngencwadi ayithunyelwe nge-email ebivela e-USA kuleli sonto.

Njengamanje uPandor ungusihlalo weNelson Mandela Foundation, kanti uhlezi esematheni ngokugxeka kwakhe ukubhijiswa kwabasePalestine okwenziwa ngabakwa-Israel.

Selokhu athatha umhlalaphjansi wanikwa i-visa yezivakashi kanti ubesanda kubuya ohambweni obeluse-USA ngeledlule.