Usesibhedlela ozame ukuduna amaphoyisa ngethoyizi

ULELE esibhedlela umlisa ozame ukuduna imoto yophiko lwezokuphenya kuleli ihlome ngesibhamu sethoyizi.

Ngokombiko wamaphoyisa, umsolwa uyiswe esibhedlela eqashwe ngamaphoyisa ngemuva kokudutshulwa ngesikhathi ezama ukuduna imoto ebithwe amaphoyisa e-NIU eqaphe kwingqungquthela yeG20 eGoli.

Okhulumela amaphoyisa uBrigadier Athlenda Mathe uthe, imoto ibithutha amalungu e-National Intervention Unit (NIU) ezindaweni ezizungezile iGoli.

“Ngesikhathi eqhuba umsebenzi wokuqapha u-Empire Road, umsolwa ugxumele emgwaqweni wakhomba umshayeli ngesibhamu. 

Kukholakala ukuthi ubengazi ukuthi abagibeli bemoto babengamalungu e-NIU. 

Kamuva kwatholakala ukuthi umduni wayesebenzise isibhamu mbumbulu. Wayiswa esibhedlela eqashwe ngamaphoyisa.

Uzovela enkantolo ngokuzama ukuduna uma esekulungele.