Kuzoshuba owoKlebe efakaza kwiKhomishini kaMadlanga namuhla
KULINDELWE ukuthi kuvele ulwazi olushaqisayo kwiKhomishini kaMadlanga namuhla njengoba kuzofakazi ngokwenzeka mhla kuboshwa uKatiso “KT” Molefe.
Ngokwezinhlelo zaleKhomishini namuhla kunelungu elivela ophikweni loKlebe oluzokwethula lobu bufakazi.
Leli lungu lizogxila ngezigameko ezenzeka ngoDecember 6 wonyaka odlule mhla amaphoyisa ebopha uMolefe.
Kuzokhumbuleka ukuthi uMolefe ongusomabhizinisi, uphinda abe umsolwa oqavile ecaleni lokubulawa ngoyaba lwezinhlamvu kukaDJ Sumbody nonogada wakhe.
UMolefe uphinda ayamanisiwe noVusumuzi “Cat” Matlala naye ogama lakhe lilokhu livela kwizinsolo ezibucayi selokhu kuqale le Khomishani.
Konke lokhu kuza ngemuva kwesithangamu sabezindaba sodumo esenziwa uLietenant General Nhlanhla Mkhwanazi owenza isinsolo ezishaqisayo ngobugebengu emaphoyiseni akuleli.
