Usejoyine i-ActionSA osanda kulaxaza i-ANC neMK Party

USEFAKE igiya eliya phambili wangena kwi-ActionSA oke wayisishabasheki se-ANC noMkhonto WeSizwe Party esikhathini esiphambili.

UPonani Makhubele umenyezelwe njengelungu elisha le-ActionSA eLimpopo namuhla.

Lesi sishabasheki sepolitiki  esike sayilungu lephalamende, sethulwe eRoyal Hotel ePolokwane namuhla ngoLwesibili, kanye namanye amalungu amasha ayisihlanu.

UMakhubele wamukelwe ngokusemthethweni yiphini likaMengameli le-ActionSA, uDkt Mbahare Kekana.

Ngaphambi kokungena ku-ActionSA, uMakhubele wayeyilungu leqembu i-Umkhonto weSizwe Party, wabuye wabuyela ku-ANC, manje esezitholele ikhaya lakhe elisha kwezepolitiki.

Phakathi kwabantu ababalulekile abajoyine i-ActionSA kukhona uNobhala Wesifunda saseVhembe we-Economic Freedom Fighters, uThomas Madzhie.