Uvalo kuduka owesifazane ebuya emshadweni
AMAPHOYISA esifundeni iKing Cetshwayo acela ukufuniswa uZenzile Snenhlahla Shezi (23) waseVumanhlamvu, Nkandla enyakatho nesifundazwe iKwaZulu-Natal.
Umbiko wamaphoyisa uthi uZenzile ugcinwe ukubonwa ngunina uThembisile, ngobusuku bangomhlaka 24 October 2025.
Ngalolo suku wayehambele umshado kwaNyuswa.
Kubikwa ukuthi kwathi uma kusa ngakusasa wayengasatholakali ndawo.
Izingubo ayezigqoke emshadweni ngayizolo wayesezishintshile zasala kwabo.
Ukuduka kwalo wesifazane kwenzeke ngosuku lapho iNingizimu Afrika ibibhikisha ngenxa yokwanda kwezigameko zokuhlukunyezwa kwabesifazane nezingane kuleli.
Kucelwa ombonayo axhumane noDetective Sergeant Phiwayinkosi Mavuso, on 035 8330311 or 083 5842619
