Isilaxazwe umholi oqavile i-Afrika Mayibuye
SELIGQEMEKE udume olungeqiwa ntwala iqembu elisha sha kwezepolitiki njengoba selilaxazwe yiphini likamengameli walo.
URobert Nwedu usevele wayilaxaza kanjalo i-Afrika Mayibuye Movement nokuyiqembu abesanda kuqokwa kulona esikhundleni sokuba yiphini likamengameli.Â
Leli qembu lisha kwezembusazwe kanti liholwa uFloyd Shivambu, osanda kushiya uMkhonto WeSizwe Party ngenxa yezinxushunxushu zangaphakathi.
Ngaphambi kwalokho uShivambu ubeyilungu lokuqina le-EFF kuthi ngaphambi kwalokho wayekwi-ANC.
Encwadini ykwesula ayibhalile, uNwedu uthe uyashiya kuleli qembu iMayibuye wabeka isizathu njengokufuna ukuyogxila kwiMAWUSA elwa eyamalungelo abasebenzi.
