Kuhlehlile ukugwetshwa kowaduma kuKhozi FM
INKANTOLO yeMantshi eThekwini ihlehlise ukugixabeza ngesigwebo umsakazi owaduma kuKhozi FM nakuMetro FM ngezinhlelo zezenkolo.
Namuhla bekulindeleke ukuthi le nkantolo inike uSiya Mhlongo isigwebo sakhe njengoba alahlwa yicala lokushaya.
Kuleli cala, kukholakala wabhokla isoka lakhe uNjabulo Duma ngebhodlela lotshwala iSavanna.
Lesi sehlakalo senzeka nyakenye kanti kwasabalala ivideo ezinkundleni zokuxhumana iveza lesi sehlakalo.
Namuhla ummeli kaMhlongo ucele inkantolo imzwele ingamniki isigwebo esiqinile.
Inkantolo ibe isihlehlisela ukumgweba ngoDecember 15 December 2025.
