Kwehle izihlathi i-ANC ihlulwa yiMK Party eMandeni

ISALE incela isithupha i-ANC kulandela ukwehlulwa udede okhethweni loikuchubiyela eMandeni.

Izolo, ku-ward 17 kunqobe uMkhonto WeSizwe Party okhethweni lokuchibiyela obelubhekwe ngabomvu.

USiphelele Mkhwanazi weMK Party, ubebhekene noNkululeko Shandu we-ANC kanye noNondumiso Shandu we-IFP.

Sekungumlando ukuthi uMkhwanazi ubhaxabule kanzima uShandu obevikela inhlangano yakhe nokuyiyona ebiphethe le-ward phambilini.

IKhansela le-ANC laphambilini, lafakwa amasondo yinhlangano elaliyimele ngenxa yezizathu zangaphathi.

Kulolu khetho lokuchibiyela, iMK Party ikhale yemuka namavoti awu-1,316 kwathi i-ANC yathola 642 kwavala i-IFP ngamavoti awu-199.