Usule isigubhukane ephalamende uZuma-Sambudla

UDuduzile Zuma-Sambudla usesulile esikhundleni sokuba yilungu lePhalamende.

Lezi zindaba ezishaqisayo zivele kwisithangamu sabezindaba soMkhonto weSizwe Party eThekwini namuhla ngoLwesihlanu.

UZuma-Sambudla ubhekene nezinsolo ezimbi zokushushumbisa abantu besuka kwaZUlu-natal beya koqeqeshwa empini eRussia ebhekene ne-Ukraine.
Icala livulwe udadewabo omdala uNkosazana Zuma Ncube.

Njengamanje ubhekene necala eNkantolo Ephakeme yaseThekwini mayelana nodlame lwangoJuly 2021.

Amacala akhe ahlanganisa ubuphekula kanye nokugqugquzela udlame.

Iqembu le-MK Party liziqhelelanisile nodaba lwabayiswe eRussia.

Nakuba uDuduzile esulile ephalamende akukacaci noma usalokhu eyilungu le-MK Party.