Injabulo owaseNewcastle engena kwiGenerations: The Legacy
SEKUBALWA amahora ngaphambi kokuthi intandokazi yomlingisi edabuka eNewcastle iqale ukudlala kwiGeneratios: The Legacy kuSABC1 ngo-8 ebusuku kusasa.
UMondli Thusi uzovela kulentandokazi yomdlalo okokuqala ngqa kusas ngoLwesihlanu nokuyilapho ezodlala indawo kasigaxamabhande wephoyisa u-Isaac.
UThusi uthi ukuba ayingxenye yalo mdlalo kusho lukhulu kuyena njengoba kuzofeza iphupho leminyaka lokudlala nezinkakha zabalaingisi bazo nabathathwa njengabeqophelo eliphezulu kuleli.
” Ukudlala kwiGenerations: The Legacy kusho lukhulu kumina. Kuzofeza iphupho leminyaka ngisakhula ngiyibuka ekhaya. Kuphinde kusho ukukhula njengeciko ngoba kumanje sengifunde okuningi ngokuba kuyona,” kusho uThusi.
Echaza ngendawo azoyilingisa uthe uzoba yileli phoyisa elihlonipha ubizo kwezomthetho nelizobophezele ezimisweni zalo msebenzi.
” Nginethemba lokuthi ngizobenza ubulungiswa ngiveze isithombe esibalulekile nesihloniphekile ngomsebenzi wamaphoyisa.”
Lesi silomo somlingisi muningi umsebezi omuhle esesiwenzile embonini yobuciko nosusakhele igama emphakathini.
UThusi uqale ukuvelela engena emsakazweni iNewcastle Community Radio njengoba angena eyosakaza kodwa wagcina esecoshela izindaba.
Ushiye kulo msakazo esefike esikhundleni sokuba nguMphathi weziNhlelo.
Ngemuva kwalokhu usebenze nomzala wakhe uMusa Mseleku ngaphansi kwenkampani ekhiqiza uThando Nesthembu, iThanx Ma.
Kulapho efunde kabanzi ngale mboni wabe eseqala ezihlupha efunda kabanzi ngokulingisa.
Uselingise emidlalweni okubakwa kuyona Isibaya, Scandal, Smokes and Mirrors ukukha phezulu.
Uphinde abe ngumnikazi wenkampani iStars of Africa Media ekhiqiza abalingisi ibafakele emidlalweni efana neNimba, Pimville, The Queen, uBhethina Wethu neminye eminingi.
