Bekukuhle kudelile kubongwa unyaka eNqabeni Ministries
LIKHOMBISE ukudlondlobala kulo nyaka izinga lokuhlelwa kwenkonzo yokubonga unyaka ebandleni eNqabeni Ministries Amaqhawe eliseDoorfontein eGauteng.
Inkonzo yokubonga unyaka iqale ngoMgqibelo yaze yaphothulwa ngeSonto. Nakuba kunjalo bakhona ababesathokozela izibusiso zenkonzo nanbgoMsombuluko ngenxa yesasasa lale nkonzo.
Umphrofethi uDr X Xaba ongumsunguli waleli bandla ubusise abazalwane ngezwi, umkhuleko waphinda walihlabela izinkomo ezimbili nensada yokudla neziphuzo.
Ephothula inkonzo uMphrofethi uXaba ufumbathise abazalwane ngamazwi abuyisa ithemba, ukugqugquzela ukuthembela kuNkulunkulu zikhathi zonke nasekwaziseni ubuntu.
Le nkonzo yokubonga unyaka yaminyaka yonke yasungulwa ngo-2017 kanti ibukeka iya ngokukhula njengoba iheha inqwaba yamakholwa njengoba kubonakele ngempelasonto.
Buningi ubufakazi amakholwa abethulile ngenxa yokugculiseka yindlela izwi lenkosi elishumayelwe ngayo, lihambisana nezibusiso kanye nemikhuleko enenkosi phakathi.
