Umsindo kubangwa ukuvota esishayamthetho saKwaZulu-Natal

SEKUSUKE inxushunxushu esishayamthetho saKwaZulu-Natal njengoba amalungu ePhalamende e-MK Party evimbe amaphoyisa ukuthi angangeni ngaphakathi.

Lokhu kuza ngemuva kokuthi amalungu ephalamende eqembu uMkhonto Wesizwe Party nawe EFF efuna ukuthi uma sekuvotwa kube yimfihlo.

Konke lokhu kungenxa yokuthi leli qembu leMK Party lifake isiphakamiso sokukuthela othulini ubuholi bukandunankulu uThami Ntuli njegoba ithi ayibethembi ubuholi bakhe.

Kulokhu, iMK Party ne-EFF bangoshomi kanti bazovota ngokubambisana kuthi i-ANC, DA neNFP baphikisa lokhu okubekwe etafuleni yiMK Party.

Kuzokhumbuleka ukuthi ngokhetho olwedlule iMK Party yayihamba phambili ngamavoti kodwa yehluleka wukuthola isibalo samavoyi anele ukuphatha isifundazwe.

Njengamanje iMK Party imile iphikisa noSomlomo uNontembeko Boyce ofuna bahlale phansi baqale ukuvota ngokuphakamisa izandla.