OwaseNquthu ezinsolweni zokubulala uDJ Warras

INDODA yaseNquthu enyakatho neKwaZulu-Natal ithweswe icala lokubulala usaziwayo uDJ Warras.

UVictor Mthethwa Majola uvele namuhla enkantolo yeMantshi eGoli nokuyilapho ethweswe icala lokubulala ngokudubula uDJ Warras obengumethuli wezinhlelo zethelevishini.

UDJ Warras wabulawa ngentyululwane yezinhlamvu ngesonto elidlule ngesikhathi yena nabanye bematasa okukhuculula ebhilidini okuthiwa kunabanqwahe nalo.

Ngokwemibiko yamaphoyisa, uDJ Warras wadutshulwa amahlandla amabili esifubeni, nelilodwa ebusweni.

UMajola uvele okokuqala eNkantolo yeMantshi yaseGoli namuhla futhi icala lihlehliselwe uJanuary 9 2026.

Kulapho umsolwa ezonikwa ithuba lokuthi afake isicelo sebheyili esisemthethweni.