Baningi abakuKhongolose ababalwa ekufeni kukaMagaqa
UKUPHELA kwalenyanga kaJune kuzovala ikhasi lokuqala ecaleni lokusocongwa kukaSindiso Magaqa.
Lokhu kuvela njengoba uPhiko lwesokuShushisa kuleli seluqinisekise ukuthi uSibusiso Ncengwa ulivumile icala lokiusoconga uMagaqa ngo-2017.
Ukulivuma kwakhe icala kuhambisana nokuthi uzogwetshwa ekupheleni kwale nyanga ngalo leli cala.
Esitatimendeni esenziwe uNcengwa, udedele amabhomu ebala bonke abaziyo abathintekayo okubalwa kubo owayengumholi kwi-ANC eHarry Gwala, uMlungisi Ndobe.
Ngaphandle kukamufi, uphinde waveza amagama ababalulekile ebuholini bukaKhongolose ngokuba nesandla ekufeni kukaMagaqa.