Ulahlwe phansi ngenhlamvu oweWest Gang
AMAPHOYISA aKwaZulu-Natal aqinisekise ukufa kowesilisa obeyingxenye yeqembu lezigelekeqe West Gang yaseNanda.
Umlisa obedume ngegama likaSniper (osesithombeni), udutshulwe wabulawa ngamaphoyisa izolo eNanda.
Ngokusho kwemibiko, uSniper ubesolwa ngokuba ngomunye wabaholi baleli qembu elihlalise kabi umphakathi nelisolwa ngenqwaba yezigameko zobugebengu nodlame eNanda.
Kuthiwa ubengomunye wabantu abebaziwa kakhulu kuleli qembu, kanti izinsolo zithi ubebambe iqhaza ekuholeni ezinye zezigilamkhuba ezisatshwayo.
USniper uke wasematheni ngenxa yevidoe ebisabalele ezinkundleni zokuxhumana nokuyilapho ebonakala edubula emoyeni ekwaMashu.
Ngokombiko wamaphoyisa, amalungu e-Inanda SAPS Task Team, esizwa yi-SA Tactical Enforcement, abhadame uSniper egumbini lendlu elingemuva emzini othile.
Kuthiwa uzame ukudubula amaphoyisa.
Kutholakale isibhamu esisodwa, kanye ne-iPhone eyathathwa esisulwini esathunjwa.