Kuqhume iqupha kubasubathi abaxabane kuFacebook
KUBE ongaphansi nongaphezulu kubambene okukholakala ukuthi usihlalo weKwaZulu-Natal Athletics (KZNA) nomsubathi betholana ngamankomane eThekwini.
Kubikwa ukuthi lengxabano ephethe ngokuthi kubambane ngezandla uSteve Mukasi nomunye wabasubathi nokho igama lakhe elinngaziwa, iqale ezinkundleni zokuxhumana.
Kuthiwa uMukasi ophinda abe ngummeli, uthukuthele wathelwa ngamanzi ngenxa yento ebibhalwe kwenye yezinkundla zokuxhumana ebigxeka khona kakhulu i-KZNA.
UMukasi kuthiwa ube eseshayela lo msubathi ucingo kuthiwa wamsongela ngokumshaya.
Kulapho lo msubathi evele waphendula ngokunikeza uMukasi ikheli lakhe futhi wamphonsela inselelo empini, zakhala.