Ayabizana amashwa kwiRoyal AM esigajwe yiPSL
ALOKHU eyilandele njalo amashwa iRoyal AM njengoba sekuqinisekisiwe ukukhishwa kwayo kwiNedbank Cup.
Esitatimendeni esikhishwe yiPSL, isikuqinisekisile ukuthi umdlalo weNedbank Cup Last 16 usuzoba phakathi kweMilford neSekhukhune United ngeSonto ePrincess Magogo Stadium, KwaMashu ngo-3 ntanbama.
Ngokwezonhlelo zaphambilini, lo mdlalo kwakuhlelwe ukuthi ube phakathi kweRoyal AM neMilford FC.
Ukuxoshwa kwe-Royal AM kwiNedbank Cup kungenxa yezinkinga leli qembu elibhekene nazo okubalwa nesikweletu sikaR40 million weSouth African Revenue Services (SARS).
Njengamanje iPSL imise yonke imidlalo obekuhlelwe ukuthi amanye amaqembu akanobhutshuzwayo abhekane neRoyal AM kuyona.
FUNDA NALANA:Â Ezinye ezimbi kubulawa iphoyisa eNanda
Ukukhishwa kwaleli likaShawn Mkhize nendodana yakhe u-Andile Mpisane, sekwenze kwehla isibalo samaqembu akwiPSL KwaZulu-Natal njengoba kusele AmaZulu FC, Richards Bay ne-Golden Arrows.