I-ANC inikelele uNgizwe ngesamba semali

I-ANC ifike kwezwakala emzini wesilomo senkosi yamaBhinca kulandela ukusha komuzi waso eMbumbulu.

UNgizwe Mchunu unikelelwe ngevawusha kaR10,000 uvela kwi-ANC yaseThekwini Region.

Lokhu kungenxa yokuzwelana noNgizwe oshelwe wumuzi wakhe nokusolwa abantu okuthiwa bafike kwakhe bemfuna.

Ithimba le-ANC beliholwa ngumxhumanisi walo uThabani Nyawose kanti lokhu bakwenze ngokubambisana nesitolo sempahla yokwakha iKings Hardware.

UNyawose ubehamba nethimba lakhe beyobabaza isehlo esenzeke emzini kaNgizwe.