Zimkhalele udokotela osolwa ngokulala iziguli
UDOKOTELA oneminyaka engu-69 ubudala uboshwe eNewcastle ngezinsolo zokuhlukumeza ngokocansi iziguli zakhe zesifazane.
Lezi zigameko zenzeke esibhedlela eMadadeni phakathi kuka-August 2025 no-April 2026.
Ngokusho kwamaphoyisa : “Kuthiwa umsolwa wayethinta izisulu ngendlela engafanele emabeleni azo nasezithweni zangasese, futhi kuthiwa waphoqa abanye babo ukuba benze izenzo zocansi kuye.
” Izisulu zikhalaza kumuntu obike ngecala owazisa amaphoyisa ngokungaziwa.
“Abaphenyi be-FCS baqalise ukwaziswa ngaleli cala futhi ngemuva kokuba izisulu zivule amacala, kwavela uphenyo, okwaholela ekuboshweni komsolwa.”
Kulindeleke ukuthi kwengezwe amanye amacala uma ezinye izisulu zivela.
Umsolwa uzovela phambi kwenkantolo kuleli sonto.