Injabulo uBlack Coffee esiza amakhahlamezwe izikhukhula
KUZOSIZAKALA inqwaba yemindeni ngenxa yomusa nokuzinikela kukaBlack Coffee ekwakheni inqwaba yemizi yabantu abahlukunyezwa yizikhukhula eMthatha.
I-Black Coffee Foundation engamelwe yilesi silomo sikaDJ isiqalile ukwakha izindlu.
Ngokwezinhlelo, lezi zindlu zizosiza imindeni ehlukunyezwe yizikhukhula ezinkulu eMpumalanga Kapa, kanti isigaba sokuqala siyaqhubeka eMthatha.
Isikhulu esiphezulu kwiBlack Coffee Foundation uLungie Maphumulo uthe : “Umgomo wethu bekulokhu kuwukuhlangana nemiphakathi lapho ikhona.
“Ngonyaka odlule, sakwazi ukweseka imindeni ngamaphasela okudla ngemuva kwezikhukhula ezenzeke eMpumalanga Kapa. Kulo nyaka, siyaqhubeka nalowo msebenzi ngokwakha kabusha amakhaya, ukubuyisela isithunzi sabahlukumezekile.”
Uhlelo lwezindlu lungenye yezinhlelo eziningana esiqalwe kulonyaka ka-2026 kanti kulona basebenzisana neTenCo Foundation kanye neProRoof njengoba isiza imindeni ukubuyisela impilo esimweni esijwayelekile.