Isililo kudlula emhlabeni iqhawe leMambazo
ISIGQEMEKE olungeqiwa ntwala imboni yomculo ngenxa yokudlula emhlabeni kwenzika ekusungulweni kweLadysmith Black Mambazo.
Lokhu kungenxa yokuvela kwezindaba zokushona kuka-Albert Mazibuko (osesithombeni), oshone ngeSonto lePhasika ngemuva kokugula isikhathi eside.
UMazibuko, ubethathwa njengomgogodla weqembu ngenxa yeqhaza abenalo kuleli qembu lesicathamiya.
Isitatimende seMambazo sidalule lezi zindaba lazwakalisa nokudabuka ngokushiywa yileli qhawe elibeke induku ebandla.
Ngokomlando, uMazibuko wajoyina leli qembu ngo-1969 ngesimemo somsunguli uJoseph Shabalalanenhliziyo emnene, ethobekilem efudumele nobewazisa umthetho.
Kuzokhumbuleka ukuthi iLadysmith Black Mambazo iqophe umlando emhlabeni ngokunqoba izindondo zamaGrammy Awards amahlanu yaphinda yasebenzisana nezihlabani okubalwa kuzona uPaul Simon.
