Kubhekwe isinqumo sebheyili ecaleni lenkosi yakwaZuma

INKOSI yesizwe sakwaNxamalala ilindele umphumela wesicelo sebheyili njengoba ibhekene nezinsolo zokubulala enye yezinduna zayo.

Inkosi uSimphiwe Erick Zuma uzokwazi ngoLwesine ukuthi izoyinikwa yini ibheyili uma iNkantolo yeMantshi waseMpendle isikhipha isinqumo.

UZuma ubhekene necala lokwakha itulo lokubulala induna uQalokunye Zuma, owayeyiNhloko yezinduna kwaNovuka, eMpendle ngoJanuwari 2, 2023.

Induna yakwaZuma yabulawa ngokudutshulwa izidlalela insimbi yomculo emzini wayo oseMpendle.

Umbuso uyakuphika ukuthi anikwe ibheyili.