Kuboshwe uthisha ozitika ‘ngokudlwengula’ izimbuzi
KUBIKWA ukuthi kuboshwe umfundisi ophinda abe nguthisha eMaphovela High School eMahlabathini e-Ulundi ngezinsolo zokudlwengula izimbuzi nokuzithelela ngezifo zocansi.
Le ndoda eneminyaka ewu-43, kuthiwa iqale ukuzitika idlwengula izimbuzi maphakathi ngo-April kuya kuJuly kulo nyaka.
Umbiko weKZN Tonight Podcast udalule ukuthi izimbuzi ezithintekile zithathwe yizikhulu zakwa-SPCA izolo zayiswa endaweni ephephile.
Uqhuba uthi amaphoyisa aKwaZulu-Natal aqinisekisile leli cala futhi athi le ndoda manje ibhekene namacala okulala nezilwane.
Umsolwa kulindeleke ukuba avele phambi kwenkantolo yendawo.