Usevele waxolisa usaziwayo osolwa kolukushushumbiswa kwabantu
USEVELE wazehlisa waxolisa usaziwayo osolwa ngokusebenzisana nenkampani okukholakala ukuthi ishushumbisa abesifazane.
UCyan Boujee osezibiza ngelikaNomaRussia, uzithole ebhekene nezinsolo ezimbi kulandela ukuveza kwakhe ivideo emema abesifazane abasebesha ukuba bayosebenzela inkampani eseRussia.
Namuhla ufake ivideo exolisa waveza nokuthi ubengakakhokhelwa ngomsebenzi awenzile.
Nakuba exolisile kodwa kuvela imibiko ethi kunabesifazane ababhekene nengwadla yokungakwazi ukuyela kuleli ngenxa yalokhu kushushumbiswa kwabantu okudlangile.
Amaphoyisa akuleli akhiphe isitatimende exwayisa ngakho lokhu, ahlabe emkhosi ikakhulukazi kwabasha ukuba baqaphele bangagcini bezithola beyizisulu zokushushumbisa.
