Usekhonjwa kwi-NFP odume ngokulaxaza awepolitiki

KUSHONE elamuhla sekusabalele izindaba zokuthi osezakhele igama ngokulaxaza amaqembu epolitiki usekuphindile futhi.

Namuhla ngoLwesithathu kusabalale izithombe ezinoSiyabonga Doncabe owagqama eyikhansela le-IFP eMzumbe egqoke isikibha seqembu iNFP.

UDoncabe wayengesinye sezithenjwa ze-IFP nagcine eyishiya isigubhukane ngonyaka owedlule ngoNovember 16.

Ngesikhathi elaxaza i-IFP, wajoyina iqembu eliholwa uJacob Zuma uMkhonto Wesizwe Party (MKP).

Akukahlangani ngisho izinyanga eziyisithupha engenile kwiMK Party njengoba sekusabalele amahlebezi nezithombe ezimkhomba kwiNFP.

Imizamo yokuthola ukuphawula kukaDoncabe iphunzile kanti udaba luzochibiyelwa uma esephawulile.