‘Ubulawe’ yiqulu labantu obesatshwa eGeorgedale
AMAPHOYISA aselokishini iMpumalanga Township eHammarsdale aphenya kabanzi ngamacala okugqekeza nelokubulala kulandela isigameko sokubulawa komlisa obesatshwa eGeorgedale.
Umufi (27) kuthiwa ubesatshiswa okwenyoka kule ndawo agcine ephelela kuyona.
Ngokusho kokhulumela amaphoyisa uSergeant Thenjiswa Ngcobolase, kuthiwa umufi ushaye yiqulu labantu ngoMgqibelo ngemuva kokuzama ukugqekeza emzini othile kule ndawo.
Indlela ashaywe ngayo ulimale kabi wagcina ngokushona.Â
Ngokwemibiko esabalele ezinkundleni zokuxhumana umufi ungene emzini othile, owesifazane wambambha ngqi maqede wahlaba umkhosi ebiza umphakathi ukuba umsize.
