ISilo samaZulu sisolwa ngokuhlambalaza undlunkulu noNyazi
SEKUSABALALE ividiyo eshaqisayo yeSilo uMisuzulu kaZwelithini okukholakala ukuthi ‘ukhothile’ eshiya angalazi ethuka iNdlovukazi uNomzamo Myeni.
Kule vidiyo okungavli ukuthi yaqoshwa nini, iSilo siphinda sizwakala sithi umholi webandla lamaNazaretha uNyazi luyahlanya.
Kulona lolu tavatava lwevidiyo, sibonakala siphethe ibhodlela likabhiya eliluhlaza ithuka iNdlovukazi, iyisola ngokungathembeki esontweni lakwaShembe.
Kuphinda kube nowesifazane okhuluma isiSwati ozama ukuthulisa iSilo esisuka singazibekile phansi siveza nokuthi sathatha ubukhosi ngokuthakatha.
Le vidiyo ingu-4:06 ubude, futhi akucaci ukuthi ubani owayithatha nokuthi iyini inhloso yokuyiqopha
