Kukhishwe incwadi yokubopha owezindaba zomgosi

UPHIKO lwezokuShushisa kuleli isiqinisekise izindaba zokuthi kunencwadi egunyaza ukuboshwa kodume ngezindaba zomgosi.

I-NPA iveze lezi zindaba ngosaziwayo wezindaba zomgosi uMusa Khawula (osesithombeni) ngenxa yecala lokubulala  elenzeka ngo-2022.

I-National Prosecuting Authority (NPA) eNtshonalanga Kapa iqinisekisile ukuthi uMusa ukhishelwe incwadi yokumbopha.

UMusa ubhekene nezinsolo ezinzima zokubulala owayeyisoka lakhe uWandile Khambule. 

Incwadi ye-NPA ithi uMusa ungaphandle ngebheyili ayithola ngemuva kokuvela okokuqala enkantolo kodwa wehluleka ukubuyela enkantolo January 28, 2025. 

Kwakhishwa incwadi yokuboshwa ngoFebruary 2025 kwathi ayeyinikiwe ibheyili yahoxisa.

Leli cala selihlehliswe izikhathi eziningana ngenxa yemizamo yokutholela umsolwa ummeli.