Kuzoqhuma izikwibhisi embuthanweni wembokodo
SEKUBALWA amahora ngaphambi kokuba ingqophamlado womcimbi ozinikele ekuhlonipheni imbokoko iBuvuyo Restoration Projects ibanjwe ePower of God e-unit 3 eMpumalanga Township ngoMgqibelo.
Lo mcimbi ozobe kungowokuqala ngqa uba khona uhlose ukuphakamisa nokuchoma uphaphe lwegwalagwala kwabesifazane uphinde ubakhuthaze.i-Buvuyo Restoration Projects iveza ukuthi ngalo mcimbi izosugula ikhosomba eliphephile nelifudumele kwimbokodo.
Lokhu kuvezwe yisikhulu esiphezulu salombuthano uCeliwe Khuboni (osesithombeni) othe kulo mcimbi kuhlelwe ukuthi kube nezikhulumi ezizokhuthaza ziphinde zivuselele abesifazane ukwakha ikusasa eliqhakazile.
” Kuningi abesifane abakwezayo abadinga ukwesekwa kukhona nokungaphakamisa imiphakathi abahlala kuyona. Yingakho kubalulekile ukuba nezithangu ezifuze lesi ukuze bakhulume ngazwi linye bavulelane izifuba,” usho kanje.
Kulo mbuthano kubhekwe ukuthi kube nezikhulumi ezihlonishwayo kwezenkolo okubalwa kuzona uProphetess Khanyo Ndlela, uPastor Thando Mthembu, Amanda Maliwa nabanye.
Kulo mcimbi kuhlelwe ukuthi izihambi zigqoke kahle ngendlela ehloniphekile kanti zizophinda zizitike ngezibiliboco zibe zehlisa ngezinkulumo ezinohlonze.
Kungenwa ngo-R300 umuntu ngamunye.