Amaphoyisa aboshelwe ukugwazelwa nge-R1000

ANGAPHANDLE ngebheyili amaphoyisa amathathu aboshelwe izinsolo zokufumbathiswa isamba semali ngowokufika.

Lamaphoyisa amathathu aseVereeniging asolwa ngokugwazelwa ngeR1,000 ngowokufika ongenawo amaphepha aqondile.

USajenti Monyane Booyzen Lebeko (46), uConstable Mmarena Malasenya (27) noSajenti Oyi-Reservist uPeter Easyboy Machama Kumalo (50) baboshwe ngesikhathi se-Operation Shanela II e-Evaton.

Bathweswe amacala enkohlakalo ngemuva kokusolwa ngokwamukela ukufumbathiswa uR1,000 ukuze bakhulule umuntu wangaphandle ongenazo izincwadi zokuba kuleli esitokisini.

Okwamanje akukho mininingwane ngosuku abazobuyela ngalo enkantolo.