OweMK Party uboshelwe izinsolo zokufuna intshontsho likaR100,000
KULINDELEKE izinkumbi zaboMkhonto weSizwe Party abazoyokweseka umholi wabo obhekene nezinsolo zokufuna intshontsho. lika-R100,000
Lo mholi wakwaDukuza kuthiwa uzovela okokuqala ngqa enkantolo yakwaDukuza kusasa ngoLwesihlanu ngezinsolo zokufuna intshontsho kusomabhizinisi wendawo owathola ithenda yamapayipi amanzi.
Ngokwemithombo, leli lungu leMK Party lizovela ngalezi zinsolo okokuqala kusasa kulandela ukuboshwa kwalo amaphoyisa endawo izolo.
Khonamanjalo iMK Party isisabalilise izimemo zamalungu aleli qembu ukuba aphume ngobuningi azokweseka uzakwabo uNtsika Zulu (osesithombeni) ozobe evela kusasa enkantolo yakwaDukuza ngezinsolo ezingafdalulwanga.
Ezingqembeni zayo iMK Party inxusa bonke abazwelana noZulu baphume ngobuningi.
Iphinda inxuse abanye ukuba bahlukane noZulu.
