Udedelwe owamaPitbull aluma umlingisi weGenerations: The Legacy
UDEDELWE ngesexwayiso umnikazi wezinja ezingama-pitbull ezilimaze kabi isilomo somlingisi weGenerations: The Legacy kuSABC1.
Umsolwa ongumnikazi wezinja ubekade evele phambi kwenkantolo yemantshi eBoksburg namuhla ngoMsombulukolandela ukulunywa yizinja kukaMondli Thusi.
Umsolwa uvele ngemuva kokuzinikela emaphoyiseni wabe esevela phambi kwenkantolo.
Ngokusho kwethimba ;labameli bamsolwa Deanne Williams, isizathu sokudedelwa kwakhe kube wukuthi icala belingafakiwe ohlwini lwamacala azothethwa namuhla njengoba amaphoyisa esaqhuba uphenyo.
UWilliams ucashunwe kwiDaily Sun ethi kunobufakazi okuveza ukuthi inja eyaluma uThusi kwakungeyeklayinti lakhe.
UThusi walimala kabi ngomhlaka 4 May nbgesikhathi elunywa yizinja phambi kwendawo ahlala kuyo eGoli kanti uhlale waze wadedelwa ngoLwesihlanu olwedlule eTambo Memorial.
